Minsan gusto ko talagang mapag-isa. Yung tipong walang magkokontra-bulate. Yung magagawa ko lahat ng gusto ko yung pwede akong matulog ng sobra-sobra yung mamaga ang mata ko sa sobrang tulog tapos susundan ng magarbong paglamon na hindi ako mag-aalala kung may kakain pa. Buhay baboy ba… Tapos yung kahit hindi ako maligo yung nagdidikit-dikit na ang hibla nang aking buhok sa sobrang dumi at kahit mejo umalingasaw na ako eh wala akong maririnig na kahit anong reklamo.(parang nakakadiri naman yun).
Ang basahin ko ang libro from table of contents to glosary at makalimutan ko nang bumangon sa aking kama ay magagawa ko nang bonggang-bongga! Magpatugtog man ako nang pagkalakas-lakas na yayanig ang apat na sulok ng bahay ay walang maiinis at magagalit sa akin. Kahit gabundok na ang aking mga labahin hahayaan ko lang sila hanggang sa saniban na ako ng kasipagan. Magmamarathon ako “back to back” pa nang lahat ng season ng Smallville at Heroes kahit hanggang umaga na walang iistorbo sa akin.
Ano man ang gawin ko sa sarili ko, ano man ang suot ko, ano man ang kainin ko, magsisigaw man ako,umutot man ako ng sobrang baho na tipong pwede kang mamatay dahil makukulob sa apat na sulok nang silid, magkakanta, magwala at magtambling-tambling hindi ako mahihiya.
Yung kahit ano man ang maging desisyon ko, walang masasaktan at walang maapektuhan.
Yung walang makikialam!Kahit minsan lang…
o siya pagbibigyan na kita…hmmmp!makayanan mo kaya? no man is an island kaya!pero kung yun ang type mo…sabi mo minsan lang naman eh,,,,,gawin mo! bow!
hahahahaha…naiintindihan ko ang ibig mong sabiin….minsan talaga gusto lang nating mapag-isa…ang maging malaya……
hindi ko kaya…huhu!
hay naku, hanggat may nagmamahal sau, hindi puhwedeng walang mangingielam lolz……
hmmm… tama ka jan lhay… buti naman naligaw ka dito… tagal mong di nkapasyal ah…
Makialam na sandali..hehe.. sige lang gawin mo yan para malaman nating kung ano epekto..post mo rito ha?
Have a nice weekend!
hindi ko naman maisasakatuparan lahat ng yan… hay naku… hehe!
pwede mo namang magawa iyan kung gugustuhin mo eh. hindi ko alam kung natry ko na iyan pero minsan nararamdaman ko na ganyan ang buhay ko.
try mo. tapos kapag natuwa ka, lubos-lubusin mo na. pero kung hindi ka masaya, aba’y balik ka na sa mundong ito. mukha kasing fictional world ang hanap mo.
hakhak!
apir tayo!
tama ka jan eloiski… ako’y nangangarap ng gising… hay naku ulit… hihi… salamat ulit sa pagdalaw!